Bananakaka með valhnetum og súkkulaði

Leiðbeiningar

1. Hitið ofninn í 170°C blástur
2. Takið fram stóra skál og þeytið saman smjör, gríska jógúrt og sykur þar til blandan verður létt og ljós
3. Setjið eitt egg út í í einu og skafið á milli. Þeytið vel.
4. Setjið þurrefnin saman við ásamt bönunum. Hrærið bara rétt svo að deigið sé samlagað.
5. Bætið við súkkulaði og hnetum og blandið saman með sleif.
6. Smyrjið 1 stórt ílangt form eða 2 lítil. Einnig er hægt að nota bökunarpappír og klæða formin með honum.
7. Setjið deigið í formið og inn í ofn í ca. 60 mín. Gæti farið upp í 70 mín ef formið er stórt. Fer eftir ofnum en fylgist bara vel með. Kakan er tilbúin þegar prjóni sem stungið er í kökuna kemur hreinn út.
8. Kælið kökuna nær alveg.
9. Útbúið kremið og smyrjið kökuna að ofan. Skreytið með valhnetum ef vill.

Krem

1. Hitið smjörið við vægan hita, þegar það er bráðið setjið súkkulaðið út í í bitum og hrærið þar til bráðið saman. Smyrjið yfir kalda kökuna og stráið valhnetum eftir smekk yfir súkkulaðið.

Ég hef alltaf verið hrifin af öllum bakstri sem inniheldur banana. Hvort sem það eru hollari kökur og brauð eða eitthvað dísætt. Þessi kaka er nú ekki beint í hollari kantinum enda þarf það ekkert alltaf að vera þannig. Ég nota í hana gríska jógúrt frá Örnu en við það verður hún alveg einstaklega mjúk.

Þessi samsetning, bananar, súkkulaði og valhnetur mynda einhverja guðdómlega heild sem verður ekki útskýrð nema bara með því að baka þessa köku og smakka. Hún er alveg svona hversdags þar sem það er einhver grófur sveitabragur á henni en samt smá spari líka.