Innihald
Hráefni
- 1 dl vatn
- 100g myntusúkkulaði frá Rapunzel
- 2 dl lífræn haframjólk frá Oatly
- 1 dl Oatly imat hafrarjómi
- (0,5 dl Oatly imat hafrarjómi freyddur til að toppa með)
- Rifið 70% súkkulaði til skreytingar
Leiðbeiningar
- Setjið vatn í pott og brjótið súkkulaðið út í. Hitið þar til súkkulaðið er bráðið og hrærið stöðugt í.
- Setjið haframjólk og hafrarjóma saman við og hitið að suðu.
- Ef vill er hægt að freyða hafrarjóma og setja ofan á og skreyta með rifnu súkkulaði.
- Njótið helst í skítakulda og trekki!
Nú er kuldaboli aldeilis farinn að bíta í kinnarnar. Hvað er betra en að koma inn úr kuldanum og skella beint í rjúkandi heitt súkkulaði? Fátt ef þú spyrð mig og það er alls ekki verra ef það er myntusúkkulaði!
Þetta heita súkkulaði er alveg ótrúlega einfalt og inniheldur einungis 3 innihaldsefni. Lífræna haframjólk, lífrænan hafrarjóma og lífrænt og vegan myntusúkkulaði. Einfaldara getur það ekki orðið!
P.s að drekka það með engiferkökum er himneskt!
No items found.
