Innihald
Hráefni
- 2 pakkningar Goða grísahnakkasneiðar með papriku, kóríander, chili og karrý
- 1 búnt ferskur aspas
- ólífuolía og sjávarsalt
- 1 þroskað mangó
- rauð vínber
- fersk bláber
Köld Piri Piri sósa
- 1 dl grísk jógúrt
- 2 tsk tilbúin piri piri sósa eða meira ef þið viljið hafa hana sterkari
- 1 tsk hunang eða hlynsíróp
Leiðbeiningar
- Byrjið á því að hita grillið.
- Brjótið neðri hluta stilkanna af aspasnum og setjið á álpappírsörk. Dreifið smá ólífuolíu yfir og sjávarsalti.
- Setjið kjötsneiðarnar beint á grillið úr pakkningunni og setið álpappírinn með aspasnum á grillið á sama tíma.
- Snúið kjötinu við eftir 3-4 mín en fylgist vel með þó.
- Salatið: Afhýðið mangóið og skerið það í teninga. Skolið vínber og bláber og skerið vínberin til helminga og blandið saman í skál.
- Þegar kjötið er tilbúið látið það hvílast í örskamma stund áður en það er borið fram.
Köld Piri Piri sósa
- Hrærið öllu saman í skál og berið fram með kjötinu
Grísakjöt og ávextir passa svo vel saman og hér er ég með bragðmikla kalda piri piri sósu og grillaðan aspas með. Þetta er alveg ótrúlega einföld eldamennska og ég held að ég hafi átt hraðamet í eldamennsku kvöldsins. Grísasneiðarnar taka örskamma stund á grillinu enda beinlausar og tilbúnar beint úr pakkningunni. Meðlætið er sérlega einfalt og fljótlegt og maturinn kominn á borðið á korteri. En auk þess að vera fljótlegt þá er þetta virkilega næringarríkur og hollur matur sem gaman og fallegt er að bera fram.
No items found.
.jpg)
