Innihald
Hráefni
- 120g mjúkt smjör
- 1/2 bolli jurtaolía
- 1/2 bolli sykur
- 3/4 bolli púðursykur
- 2 stór egg við stofuhita
- 2 tsk vanilludropar
- 2 bollar hveiti
- 2 tsk lyftiduft
- 1/2 tsk matarsódi
- 1 tsk sjávarsalt
- 1 bolli Karamellujógúrt frá Örnu
Karamellu smjörkrem
- 120g mjúkt smjör
- 110g mjúkt smjörlíki
- 1/2 bolli saltkaramellusósa, heimagerð eða keypt tilbúin
- 2 tsk vanilludropar
- 2 bollar flórsykur
Leiðbeiningar
- Setjið smjör, olíu, sykur og vanilludropa saman í skál og þeytið vel þar til létt og ljóst. Bætið þá 1 eggi við og hrærið vel. Setjið síðara eggið saman við og þeytið áfram þar til blandan er orðin létt og flöffí.
- Sigtið saman við þurrefnin og hrærið aðeins í, setjið þá jógúrtina saman við og hrærið bara rétt þannig að deigið sé samlagað, alls ekki hræra deigið of mikið.
- Hitið ofninn í 175°C og smyrjið eða setjið bökunarpappír í skúffukökuform. Setjið deigið í formið og sléttið yfirborðið.
- Bakið í 30-35 mín á blæstri. Fer eftir ofnum þó en kakan er tilbúin þegar prjónn kemur hreinn úr sem stungið er í kökuna.
Karamellu smjörkrem
- Þeytið saman smjör og smjörlíki þar til blandan verður mjög ljós. Bætið við karamellu og vanilludropum og þeytið áfram. Blandið flórsykrinum saman við og þeytið vel. Smyrjið kalda kökuna og dreyfið smávegis af karamellusósunni yfir ef vill.
Allt með karamellu er gott. Ef það hefur farið framhjá einhverjum þá er ég mjög mikill aðdáandi alls sem karamella er í. Þessi kaka er sannarlega engin undantekning. Það er einfalt að skella í hana og engin flókin hráefni eða aðferð. Og það er alveg ljóst að skúffukökur þurfa alls ekki að vera súkkulaðibotn og súkkulaðikrem!
Karamellujógúrtið frá Örnu er algjört lykilatriði og gefur henni einstakt karamellubragð og mýkt. Ég set svo á hana karamellusmjörkrem en það er alveg hægt að setja hvaða krem sem er á hana. Það er svo lítið mál að kippa henni með í útileguna ef þið eigið skúffukökuform með loki. Hún helst lengi mjúk og nýmjólkin frá Örnu væri fullkomin með!
No items found.
